WANI SHA HARARRAN MAWAKI KWANKWASIYYA DAN ASALIN JAHAJAR KATSINA YA RABAUTA DA DAUKAR NAUYIN JINYARSA DA GWAMNATIN JIHAR TAYI DAN NAIMAMAI LAFIYA
GWAMNAN JIHAR KANO ALH. ABBA KABIR YUSUF YA ƊAUKI NAUYIN TURA MAWAKI KOSAN WAKA ZUWA ƘASAR MASAR DOMIN NEMAN LAFIYA
A wani babban aiki na alheri da jinƙai, Mai Girma Gwamnan Jihar Kano, Alhaji Abba Kabir Yusuf, ya ɗauki nauyin tura ɗaya daga cikin fitattun mawakan Jihar Kano, Kosan Waka, zuwa ƙasar Masar (Egypt) domin samun kulawa ta musamman kan ciwon ƙafa da ke damunsa.
Yanzu haka, daga babban filin jirgin sama na Malam Aminu Kano International Airport, an kammala shiryawa da tura mawakin zuwa ƙasar Masar, inda ake sa ran zai samu kulawa daga ƙwararrun likitoci da kayan aikin zamani domin samun waraka cikin sauƙi da yardar ALLAH
Wannan aiki yana daga cikin abubuwan da ke nuna irin jajircewar Gwamna Abba Kabir Yusuf wajen kula da lafiyar ’yan jiharsa, musamman masu tasiri a fagen al’adu, nishadi da waƙa. Gwamnan ya jaddada cewa ba za a bar kowa a baya ba duk wanda ke da matsala, gwamnatin sa za ta duba shi idan akwai bukata.
Al’ummar Kano, musamman masoya da abokan arziki na mawakin Kosan Waka, sun bayyana farin cikinsu da godiya bisa wannan kyautatawa da nuna damuwa da lafiya da Gwamna ya yi.
“Gwamnan Jihar Kano Alh Abba Kabir Yusuf ya nuna cewa shi jagora ne na talaka da kowa. Wannan taimako da ya yi ba zai taɓa mantuwa ba,” in ji wani masoyin mawakin.
Ana roƙon Allah ya ba Kosan Waka cikakken lafiya, kuma ya saka wa Gwamna Abba Kabir Yusuf da alkhairi bisa wannan aiki mai cike da tausayi da kulawa da al’umma.
Wannan lamari wani gagarumin misali ne na yadda gwamnati ke iya yin tasiri kai tsaye a rayuwar jama’arta musamman idan jagoranci ya kasance da zuciya ɗaya da niyyar gaskiya. Taimakon da Gwamna Abba Kabir Yusuf ya yi ya sake tabbatar da cewa lafiyar ’yan jihar Kano na ɗaya daga cikin manyan abubuwan da ke kan gaba a ajandarsa
ALLAH YABAMU ZAMAN LAFIYA KASARMU DAMA JAHARMU GABA DAYA